Joan edukira
Bazkideak Bloga
Helduen Hitza

Bidezidor kirola

Bidezidor kiroleko irtenaldia. ZURIAK eta GORRIAK---- BERDEAK eta URDINAK

ZURIAK eta GORRIAK

AMEZKETA - ZAZPITURRIETA - AMEZKETA (T-23)  8 KM ▲▲

Eguna: 2026ko azaroaren 20an

Ordua: 07:40an

Irteera: Renfeko geltokian

Helmuga: Tolosa 2.

Gero, TO 01 autobusa Amezketara

Distantzia: 8 km

Zailtasuna: ▲▲

AZALPENA

Tolosara trenez joango gara eta Amezketara autobusez. Sasturain tabernaren paretik jaitsi eta errepidean aurrera egingo dugu metro batzuk. Berehala, ezkerretara, mendi-bide estu samar bat hartuko dugu, aldapa handikoa, parke batera eta Tourseko San Martin elizara iritsi arte. Handik, Zazpiturrietako seinaleak ikusten hasiko gara. Malda handirik gabe igotzen jarraituko dugu eta alde batera eta bestera baserri batzuk atzean utziko ditugu. Seinaleak jarraituz, Zazpiturrietara iritsiko gara, eta, han, euria egiten duenean, zazpi lekutatik eta hainbat mailatan aterako da ura. Beherantz hasi, eta Luma Gorri dioen baserri eder batera iristean, metro batzuk jaitsiko ditugu asfaltoz, eta berehala ezkerretara hartuko dugu pista-bidea, Sasturain tabernaraino. Ondoren, Amezketako erdigunera iritsiko gara.

GOMENDIOAK

Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.

BERDEAK eta URDINAK

ORIO - ITXASPE - ZARAUTZ (K-07) 13,4 KM ▲▲

Eguna: 2026ko azaroaren 20an

Ordua: 08:10ean

Irteera: Euskotren geltokian, Easo plazan

Helmuga: Orio

Distantzia: 13,4 km

Zailtasuna: ▲▲

AZALPENA

Amaran Easoko geltokian bilduko gara eta Oriora heltzean, herritik San Martin auzorako bidea hartuko dugu. Gero autopista ondoko errotondara eta handik Itxaspera dioen bidetik goiko behatokira. Ondoren, Itsaspe baserri ondoan ezkerretara, pista bidetik, itsasoa ikusiz Orioko hondartzara jeitsi eta berriro herria zeharkatuz, Txurruka hondartzara joango gara. Jarraian, txakolin mahastietatik pasatuz Zarautzko kanpinera. Eta ondoren, Zarautzeko San Pelaio auzora mailaditik edo eta errepidez egin daiteke.

GOMENDIOAK

Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.

Bidezidor kirola: jarduera gehiago

Itzuli: Bidezidor kirola Egutegia