Unai Ugalde: “Gure artean bizi diren mikrobioak” (Okendo Kultura etxea)

Unai Ugalde Biokimikan lizentziatu zen eta doktoretza lortu zuen Exeterko Unibertsitatean (Erresuma Batua); egun Donostiako Kimika Fakultateko irakasle titularra da Biokimika eta Biologia Molekularraren sailetan. Duen ikerketa-lerro nagusia honetan datza: Inguruarekiko zelulek duten pertzepzio ahalmena eta erantzunen indukzioa, bereziki garapenerako indukzioa Aspergillus nidulans eredu moduan hartzen den organismoan.

1996 eta 1999. urte bitartean Ugalde Zientzia Kimikoetako Fakultateko dekanoa izan zen, eta 1999tik 2002ra bitartean berriz, Eusko Jaurlaritzako Politika Zientifikoaren arloko zuzendaria.

2008. urteaz geroztik, Ugalde Biofungitek S.L. teknologia oinarri duen enpresaren bazkide fundatzailea da; enpresa horrek landareak babesteko giro-inguruan eragin gutxi duten produktuak egiten ditu.  Ekimen horrek Unibertsitatea eta enpresa munduaren arteko lotura estutzea du helburu.