2025-04-04 08:00
GORRIAK eta ZURIAK
BILLABONA - ASTEASU - SANTA MARINA - ASTEASU - BILLABONA (T-19) 12 KM ▲▲▲
Eguna: 2025eko apirilaren 4an
Ordua: 07:50ean
Irteera: Norteko geltokian (Renfe)
Distantzia: 12 km
Zailtasuna: ▲▲▲
AZALPENA
Billabonara trenez iritsi ondoren, bidegorrirantz egin eta bertatik, industrialdea igaro ondoren, Asteasura helduko gara. Udaletxe aurretik Kale Nagusira egin eta berehala, eskubira dagoen eta gorantz egiten duen asfaltozko bidea hartuko dugu. Laster, bidean aurkituko ditugun baserri zerrenda bat duen seinalearekin topo egingo dugu. Asfaltozko bidetik joango gara eta Lizolateinera iritsi ondoren, eskubira joango gara Lizola deritzanera arte. Bertan asfaltoa bukatu eta mendiko pista malkartsu eta pikoa den batetik egingo dugu aurrera berriro asfaltoarekin topo egin arte. Bertan, ezkerretara egingo dugu eta horrela Santa Marinako ermita dagoen tontorreraino helduko gara. Buelta hartu eta bidegurutzean, joaneko bidearen bestaldekotik, ezkerrekotik, joango gara. Goitik behera, baserri batzuen ondotik igaro ondoren, berriro mendiko pistatik egingo jeitsiera, eta aldian behin Muskerraren irudiak ikusiz iritsiko gara Asteasura. Gero, berriro Billabonarako bidea bidegorri beretik egingo dugu.
GOMENDIOAK
Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.
URDINAK eta BERDEAK
DONOSTIA - BASOZABAL - ORIAMENDI - HERNANI - MIRAMON (D-19)
10,9 KM ▲▲
Eguna: 2025eko apirilaren 4an
Ordua: 08:50ean
Irteera: Anoetan, topo geltokiaren ondoan
Distantzia: 15 km
Zailtasuna: ▲▲
AZALPENA
Anoetako estadioaren aurrean egingo dugu topo. Zorroaga eta ospitaletatik zehar Oriamendira jarraituko dugu (ttonttorreraino igoko gara) eta handik Basozabalera adierazten duen bidegurutzera arte joango gara. Han, eskubiko bideari jarratuaz helduko gara Ergobira. Ergobiko zubira iristean, eskubirantz egin eta bideari jarraiki Hernanira helduko gara. Hango Florida auzoaren bukaeran, eskubitara dagoen eta aldapa gora duen bideari ekingo diogu. Autopistako gasolindegiaren atzekaldetik pasa eta bizpahiru baserri igaro ondoren, Galarretatik ospitaletara doan errepidera aterako gara. Gorantz egin eta Miramonen bukatuko dugu gure ibilbidea.
GOMENDIOAK
Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.