2023-11-03 08:00
ZURIAK eta GORRIak
DEBA-KALBARIOA-OLATZ auzoa (barrio)-MUTRIKU (K-19) 12,5 km ▲▲
Eguna: 2023ko azaroaren 03an
Ordua: 07:50ean
Irteera: Autobusaren geltokian
Distantzia: 12,5 km
Zailtasuna: ▲▲
AZALPENA
Autobusez helduko gara Debara. Mutriku aldera doan errepidea hartu, zubia gurutzatu eta Donejakue bideko seinaleei jarraituz egingo dugu Kalbaixorainoko mendi bidea lehenbizi, eta Olatz auzorainokoa ondoren. Itzuleran, Mutrikura jeisteko bidea errepidez egingo dugu.
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.
BERDE eta URDINak
ARDITURRI (bazkaria-comida) (B-01) 16,6 km ▲▲
Eguna: 2023eko azaroaren 03an
Ordua: 08:05etan
Irteera: Easoko Topo geltokiren aurrean.
Distantzia: 16,6 km
Zailtasuna: ▲▲
AZALPENA
Amaran Easoko geltokian elkartu, eta Topoan Oiartzunera iritsi ondoren, geltokitik berehala bidegorrira zuzenduko gara. Bertatik aurrera egingo dugu eta Altzibar auzoa eskuinera utzi eta gero, bideari jarraituz minetako sarrerara helduko gara. Bertan atseden hartu ostean, “Arditurri bira “ deritzon itzulitxo bat egingo dugu. Ondoren, joaneko bide beretik denak batera Tolare jatetxera joango gara. Han bazkaldu ondoren, Altzibar auzotik autobusez edo eta Oiartzundik trenez egingo dugu etxerako itzulera.
GOMENDIOAK
Janzkeraren gomendioaz aparte, edaria eta zerbait jateko ekartzea komenigarria litzateke, ibilbidean atseden laburra egingo baitugu gehienetan.