2024-10-04 08:00
ZURIAK eta GORRIAK
BRINKOLA - TELLERIARTE - MIRANDAOLA - LEGAZPIA - ZUMARRAGA (U-11) 10 KM ▲
Eguna: 2024ko urriaren 4an
Ordua: 07:50ean
Irteera: Norteko geltokia (Renfe)
Distantzia: 10 km
Zailtasuna: ▲
AZALPENA
Brinkolan trenetik jeitsi bezain laster, Mirandaolara dioen geziari jarraituz abiatuko dugu gure ibilbidea. Bide guztia seinale txuri eta gorriei erreparatuz egingo dugu. Asfaltodun bidean egingo dugu Telleriarte auzoaren bukaera artekoa eta jarraian, pista bide polit batetik zehar helduko gara Mirandaolara lehenik eta bidegurutze batera ondoren. Segidan, espaloitik ibiliz iritsiko gara Legazpira. Herria eta Patricio Etxeberriaren pabeiloiak zeharkatu eta eskubirantz eginez Urolako bidegorriari lotuko gatzaizkio ahalik eta Zumarragako tren geltokira iritsi arte.
GOMENDIOAK
Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.
BERDEAK eta URDINAK
ELGOIBAR - PARAPAN - SAN LORENZO AUZOA - ELGOIBAR (DB-05) 12 KM ▲▲▲
Eguna: 2024ko urriaren 4an
Ordua: 07:40an
Irteera: Euskotren geltokia, Easo plazan
Distantzia: 12 km
Zailtasuna: ▲▲▲
AZALPENA
Elgoibarra iritsi eta gero, bertako erdi kaletik pasa eta Txerriduna hotelera helduko gara. Handik Azkarate (Azkoitia) alderako bidea hartuko dugu lehenbizi, baina berehala ezkerretara, lantegien poligono eta deposito bat dagoen bidera egingo dugu. Poligonoan ekingo diogu behetik gora doan eta seinale hori eta txuriak dituen mendiko pistari. Denbora luzez jarraituko dugu bide hau, Azkarateko bide normalaren gainekaldean doan pistari. Gero jeitsiera batetik eta beti ere seinaleei jarraituz, errepidea gurutzatu eta Parapan baserrian aurkituko gara. Handik behera, baserri batzuen inguruetatuk igaro eta San Lorentzo (San LLobente) auzora iritsiko gara. Jarraian asfalto bidetik berrio Elgoibarra helduko gara.
GOMENDIOAK
Janzkeraren gomendioaz aparte, ibiltariok nork bere hamaiketakoa eta edaria eraman behar dugu, ibilbidean atseden laburra egingo baitugu gehienetan.